புளி ரசம் சுவையாக செய்வது எப்படி

புளி ரசம் சுவையாக செய்வது எப்படி?

தேவையான பொருட்கள் :

பொருள் - அளவு

புளி - நெல்லிக்காய் அளவு

காய்ந்த மிளகாய் - 4

ரசப்பொடி - 1 டீஸ்பூன்

பெருங்காயம் - 2 சிட்டிகை

தக்காளி - 1

உப்பு - தேவைக்கேற்ப

கொத்தமல்லித் தழை - ஒரு கைப்பிடி

அரைக்க :

சீரகம் - 1 டீஸ்பூன்

காய்ந்த மிளகாய் - 2

மிளகு - 6

சின்ன வெங்காயம் - 4

பூண்டு பல் - 5

கறிவேப்பிலை - 1 கொத்து

தாளிக்க:

கடுகு - அரை டீஸ்பூன்

எண்ணெய் - தேவைக்கேற்ப

கறிவேப்பிலை - 2 கொத்து

செய்முறை :

 💥  புளியை தேவையான அளவு தண்ணீர் ஊற்றி கரைத்துக் கொள்ள வேண்டும்.

💥  மிக்ஸியில் காய்ந்த மிளகாய், சீரகம், மிளகு, வெங்காயம், பூண்டு, கறிவேப்பிலையை ஒன்றன் பின் ஒன்றாக போட்டு ஓரளவுக்கு அரைத்துக்கொள்ள வேண்டும்.

💥  வாணலியில் எண்ணெய் காய்ந்ததும் கடுகை போட்டு தாளிக்கவும், அதன் பிறகு பெருங்காயத்தை போட்டு தாளிக்கவும்.

💥  பின்பு அரைத்து வைத்துள்ளதை எண்ணெயில் போட்டு வதக்க வேண்டும். அதனுடன் தக்காளியை போட்டு சிறிது நேரம் வதக்க வேண்டும்.

💥  அதன் பிறகு வதக்கிய பிறகு கரைத்து வைத்துள்ள புளியை ஊற்ற வேண்டும். அதனுடன் ரசப் பொடியை போட்டு நுரைத்து வரும் போது கொத்தமல்லித் தழையை தூவி இறக்கி விடவும்.

மற்றும் ஒரு ஆரோக்யமான சிந்தனையுடன் நல்லதொரு தகவலை பதிவிடுவோம். நன்றி. வணக்கம்.

- தமிழர் நலம்