நார்த்தங்காய் ஊறுகாய் செய்வது எப்படி பற்றி தெரிந்து கொள்வோமா

நார்த்தங்காய் ஊறுகாய் செய்வது எப்படி? பற்றி தெரிந்து கொள்வோமா?

தேவையான பொருட்கள்

பொருள் – அளவு

நார்த்தங்காய் -  10

உப்பு - தேவைக்கேற்ப

மஞ்சள்தூள் - அரை டீஸ்பூன்

மிளகாய் வற்றல் - 8

பெருங்காயத் தூள் - ஒரு சிட்டிகை

தாளிக்க :

நல்லெண்ணெய் - தேவைக்கேற்ப

கடுகு - ஒரு டீஸ்பூன்

மிளகாய் வற்றல் - 8

பெருங்காயத் தூள் - ஒரு சிட்டிகை

செய்முறை :

🍒  நார்த்தங்காயை மட்டும் எடுத்துச் சிறுசிறு துண்டுகளாக நறுக்கிக் கொள்ளவும்.

🍒  சுத்தமான பாத்திரத்தை எடுத்துக் கொண்டு முதலில் நறுக்கிய நார்த்தங்காய்களைப் போட்டு, அதன் மேல் மஞ்சள்தூள் மற்றும் உப்பு சேர்த்து, நன்கு கலந்து கொள்ளவும்.

🍒  இப்படி கலந்த பின்பு, அதை ஒரு சுத்தமான பாட்டிலுக்கு மாற்றி மூடி போட்டு வைக்கவும்.

🍒  பாட்டிலில் அடைக்கப்பட்ட நார்த்தங்காய்த்துண்டுகளைத் தினமும் இரண்டுமுறை, ஒரு கரண்டியால் நன்கு கலக்கி விடவும்.

🍒  சுமார் ஐந்து நாட்கள் நார்த்தங்காய்கள் உப்பில் நன்கு ஊறி, மிகவும் மிருதுவாக இருக்கும்.

 🍒 பின்னர் ஒரு வாணலியில் தேவையான அளவு எண்ணெய் ஊற்றிக் காய்ந்ததும், மிளகாய் வற்றலைப் போட்டு நன்கு வறுக்கவும்.

🍒  வறுத்த மிளகாய் வற்றலை ஆறியதற்குப் பின்பு, அரைத்து தூளாக்கிக் கொள்ளவும். மிளகாய் மொறுமொறுப்பாக இருந்தால் நன்றாக இருக்கும்.

🍒  அரைத்த மிளகாய்த்தூளை ஊறுகாயில் கலக்கவும்.

🍒  பின்னர் ஒரு வாணலியில் எண்ணையை ஊற்றிச் சூடு செய்து கடுகு, பெருங்காயம் சேர்த்துத் தாளிக்கவும்.

🍒  கடுகு வெடித்ததும், கலக்கி வைத்துள்ள ஊறுகாயைச் சேர்த்து நன்கு கலந்து அப்படியே இறக்கவும்.

🍒  சூடு ஆறிய பின்பு, சுத்தமான ஜாடிக்கு ஊறுகாயை மாற்றி விடவும்.

🍒  ஊறுகாயில் உள்ள எண்ணெய், ஊறுகாய்க்கு மேலே சிறிது நிற்கும் படியாக இருக்க வேண்டும்.

🍒இதனுடன் சாப்பிட உகந்த உணவுகள் :

இந்த நார்த்தங்காய் ஊறுகாயை மோர் சாதம், கம்மங்கூழ், தயிர் சாதம், எலுமிச்சை சாதம் மற்றும் தக்காளி சாதத்துடன் சேர்த்து சாப்பிட்டால் சுவையாக இருக்கும்.

மற்றும் ஒரு ஆரோக்யமான சிந்தனையுடன் நல்லதொரு தகவலை பதிவிடுவோம். நன்றி. வணக்கம்.

- தமிழர் நலம்