நோய் என்றால் என்ன? மனிதனுக்கு நோய் ஏன் வருகிறது?

நோய் என்றால் என்ன? மனிதனுக்கு நோய் ஏன் வருகிறது?

ஆயுட்காலம் குறைவதற்கு இதுதான் காரணமா?

🟠 இந்த உடலானது நாம் உண்ணும் உணவினாலும், குடிக்கும் தண்ணீராலும், சுவாசிக்கும் காற்றினாலும், சூரிய வெளிச்சத்தாலும், சூழ்நிலையின் தட்பவெப்பங்களாலும் வாழ்வு உடையதாய் இருக்கிறது.

🟠 எனவே, நாம் உண்ணும் உணவு நல்ல உணவாக இருக்க வேண்டும்; குடிக்கும் தண்ணீர் நல்ல நீராக இருக்க வேண்டும்;

🟠 சுவாசிக்கும் காற்று நல்ல காற்றாக இருக்க வேண்டும். அப்போதுதான் இந்த உலகில் நாம் உடல் நலத்தோடு வாழமுடியும்.

🟠 ஆனால் நாம் எவ்வளவுதான் எச்சரிக்கையோடு நடந்துகொண்டாலும், சில சமயங்களில் நமக்குத் தெரிந்தோ தெரியாமலோ,

தவறான உணவுகளை உட்கொண்டு விடுகிறோம்.

🟠 அழுக்கான நீரைக் குடித்து விடுகிறோம்.

🟠 அசுத்தமான காற்றைச் சுவாசித்து விடுகிறோம்.

🟠 அப்பொழுது,

நாம் உண்ட உணவு, குடித்த நீர், சுவாசித்த காற்று இவற்றில் உள்ள நச்சுப் பொருள்கள் அனைத்தும் நம் உடம்பினுள்ளே போய்ப் படிந்து விடுகின்றன.

🟠 அவ்வாறு படிந்துவிட்ட நச்சுப் பொருள்களைப் பற்றி நமக்கு ஒன்றும் தெரியாது. அவற்றை வெளியேற்றுவதற்கு நாம் ஒன்றும் முயற்சி செய்வதும் இல்லை. எனினும், நம் உடம்பானது, தானாகவே அந்த முயற்சியைச் செய்கிறது.

🔴🔴🔴🔴🔴🔴🔴

உடம்பு செய்யும் அந்த நன்முயற்சிக்குத்தான் நோய் என்று பெயர்

நாம் தவறான உணவுகளை உண்ணாமலும் அழுக்கான நீரைக் குடிக்காமலும், அசுத்தமான காற்றைச் சுவாசிக்காமலும், மிக மிக விழிப்போடு நடந்து கொள்வதாக வைத்துக் கொள்வோம்.

🟠 அப்போதுகூட, நமக்கு நோய் வருவதற்கு வாய்ப்பு இருக்கிறது. எப்படியென்றால்,

🟠 நாம் எவ்வளவு நல்ல உணவை உண்டாலும், நாம் உண்ணும் உணவு முழுவதையும் உடம்பு அப்படியே ஏற்றுக்கொண்டு விடுவது இல்லை.

🟠 நாம் எவ்வளவு நல்ல தண்ணீரைக் குடித்தாலும் நாம் குடிக்கும் தண்ணீர் முழுவதையும் உடம்பு அப்படியே ஏற்றுக்கொண்டு விடுவது இல்லை.

🟠 நாம் எவ்வளவுதான் நல்ல காற்றைச் சுவாசித்தாலும், நாம் சுவாசிக்கும் காற்று முழுவதையும் உடம்பு அப்படியே ஏற்றுக்கொண்டு விடுவது இல்லை.

🟠 நாம் உண்ணும் உணவிலே, தனக்குத் தேவையானதை மட்டும் உள்ளிழுத்துக் கொண்டு, மீதியைக் கழிபொருளாக ஒதுக்கித் தள்ளி விடுகிறது நம் உடம்பு.

🟠 நாம் குடிக்கும் நீரிலே, தனக்குத் தேவையானதை மட்டும் உள்ளிழுத்துக் கொண்டு, மீதியைக் கழிபொருளாக ஒதுக்கித் தள்ளி விடுகிறது நம் உடம்பு.

🟠 நாம் சுவாசிக்கும் காற்றிலே தனக்குத் தேவையானதை மட்டும் உள்ளிழுத்துக் கொண்டு மீதியைக் கழிபொருளாக ஒதுக்கித் தள்ளி விடுகிறது நம் உடம்பு.

🟠 இந்தக் கழிபொருள்கள் தாம் நாம் வெளிவிடுகிற மூச்சுக் காற்றாகவும், வியர்வையாகவும், சிறுநீராகவும். மலமாகவும், நமது உடம்பினின்று வெளித் தள்ளப் படுகின்றன.

எனவே, நம் உடம்பினுள்ளே இரண்டு வகையான இயக்கங்கள் இடையறாது நடைபெற்றுக் கொண்டிருக்கின்றன. ஒன்று, உள்ளிழுக்கும் இயக்கம்.

மற்றொன்று, வெளித்தள்ளும் இயக்கம்.

🟠 உள்ளிழுக்கும் இயக்கத்தை ஆங்கிலத்தில் (Assimilation) என்று சொல்லுவார்கள். வெளித்தள்ளும் இயக்கத்தை எலிமினேஷன் (Elimination) என்று சொல்லுவார்கள்.

இவ்விரண்டு இயக்கங்களும் சீராக நடைபெற்று வருமானால், நமக்கு நோயே வரமாட்டாது. நோயே மட்டுமன்று, நமக்கு மரணமேகூட வரமாட்டா.

🟠 இந்த இயக்கங்களில் சீர்கேடு ஏற்படும்போதுதான், நமக்கு நோய் தோன்றுகிறது. மரணமும் நேருகிறது! இவ்வியக்கங்களை நடத்தும் சக்திக்கே பிராணசக்தி (Life Force) என்று பெயர்.

💐

மற்றும் ஒரு ஆரோக்யமான சிந்தனையுடன் நல்லதொரு தகவலை பதிவிடுவோம். நன்றி! வணக்கம்.

- தமிழர் நலம்