நலன்

நலன்

நலன் என்பது நல்ல ஆரோக்யத்தையும், நல்ல உயர்ந்த சிந்தனைகள், நல்ல சமுகம், நல்ல உடல், நல்ல உள்ளம், நல்ல வருமானம், நல்ல கல்வி, நல்ல வேலை, நல்ல குழந்தைகள், நல்ல குழந்தைகளின் ஆரோக்கியம், நல்ல கலாச்சாரம், நல்ல வாழ்க்கை முறை, நல்ல சுற்றுச் சூழல், நல்லதொரு உலகம் உருவாக உறுதுணையாக இருக்கும் ஒவ்வொரு செயலும் நலனை குறிப்பதே ஆகும். அப்பேற்பட்ட நலன் சம்பந்தமான அனைத்து விசயங்களும் இந்தத் தலைப்பில் பதிவிடப்படுகிறது. தமிழர் நலம் வலைதளத்தில் தமிழர் நலன்களை ஊக்குவிக்கும் அனைத்தும் ‘நலன்’ தலைப்பில் பதிவிடப்படும்.

தொழிலாளர்கள் நலன், வெற்றியாளர்களின் நலன், தனி மனிதனின் நலன், சமுதாயத்தின் நலன், வளர்ச்சியின் நலன், புரட்சியின் நலன், தனி மனித உடல் நலன் மற்றும் ஊக்கம் அதாவது தன்முனைப்பாற்றல் என்னவென்றால் ஒரு செயலை செய்வதற்கும், ஆரம்பிக்க நினைப்பதர்க்கும், செயலை தொடர்ந்து துவன்று விடாமல் செய்வதற்கும், செய்த செயலையே திரும்ப திரும்ப செய்வதற்கும் சில ஊக்கம் கொடுக்கக்கூடிய உந்து சக்தி, நேர்மறை ஆற்றல், கிரியா ஊக்கி  உடலுக்கோ மனதுக்கோ தேவைப்படுகிறது. இந்த ஊக்கம் இருந்தால் தான் மனதானது திருப்தி அடையும். இன்னும் கூடுதல் சேர்த்து சொல்வதென்றால் ஒரு செயலைச் செய்வதற்கு முன் மனதில் அந்த செயலை பற்றிய நேர்மறை சிந்தனைகள் இல்லை என்றால் நம் மனதிற்கு ஊக்கம் இருக்காது. ஊக்கம் இல்லாமல் செய்யும் எந்தச் செயலும் சிறப்பு பெறாது. ஏன் அந்தச் செயலில் வரும் தடைக்கற்களை கூட படிக்கற்களாக மாற்றி முன்னேறிச் செல்வதற்கும் இந்த ஊக்கமே தேவை. இந்த ஊக்கம் செயல் முடியும் வரையிலும் இருக்க வேண்டும். இன்னும் சொல்லப்போனால் இந்த ஊக்கத்தை நாம் கங்காரு தன் குட்டியை வயிற்றில் கட்டிக்கொண்டே செல்லுமே அது போல நாம் எப்போதுமே இந்த ஆற்றல், ஊக்கம், நேர்மறை எண்ணங்கள் போன்றவற்றை உள்ளத்தில், ஆழ்மனதில் அசையா, அழியா சொத்தாய் வைக்க வேண்டும். அப்புறம் பாருங்கள் நீங்கள் விரும்பும் அனைத்து செல்வங்களையும், சொத்துக்களையும் இந்த ஊக்கம் கொண்டு வந்துச் சேர்க்கும். உங்கள் மூலதனம் இந்த ஊக்கம் ஒன்று போதுமே. மன உறுதி பெறுவதற்கே இந்த ஊக்கம் தான் மூலதனம். மனம் உறுதியாக இருந்தால் எப்படிப்பட்ட செயல் ஆனாலும் முடிக்கும் திறன் இந்த மன உறுதிக்கு உண்டு என்பது அனைவருக்கும் தெரிந்ததே.

பிரச்சனைகளை கையாளுதல்:

பிரச்சனைகளை கையாள்வது என்பது ஒரு கலை. அந்தக் கலை தெரிந்தவர்கள் எதையும் சாதித்து விடுவார்கள். எடுத்துக்காட்டாக ஒரு கட்டிடம் கட்டுவதற்கு செயல் திட்டம் தீட்டப்படுகிறது. அதில் எத்தனை மனிதர்கள் வேண்டும், அவர்களின் உழைப்பின் நேரங்கள், செய்து முடிக்கும் வேலைகளின் காலங்கள் கொண்டு எப்போது முடிக்கலாம் என்று உறுதியாக சொல்லப்படுகிறது என்று வைத்துக் கொள்வோம். தோரயமாக 20 பேர்கள் கொண்டு ஆரம்பிக்கப்படுகிறது. 10 பேர்கள் தான் இருக்கிறார்கள் என வைத்துக் கொள்வோம். மீதி 10 பேர்கள் தேட காலம் தேவைப்படும். இல்லை என்றால் கலவைக்கு இயந்திரம் இருக்கிறது என்றால் 10 பேர்கள் தேடும் காலம் சேமிக்கப்படும். இதுவெல்லாம் நாம் செய்யும் செயலில் வரும் பிரச்சனைகள், தடைகற்கள் ஆகும். நாம் அதை கையாளத் தெரிந்தால் அது நமக்கு பிரச்சனையே இல்லை. மாறாக நமக்கு கிடைக்கும் தீர்வுகள். எளிதாக முடிக்க கூடிய கலவை இயந்திரத்தை பயன்படுத்தும் வசதிகளை நமக்கு காட்டும் வாய்ப்புகள் ஆகும். நாம் மைனஸ் என்று நினைக்கும் இணை கோடுகளின் மேல் நேர் கோடு போட்டு பிளஸ் ஆக்குவதே நாம் கையாளும் திறன் ஆகும். இன்னும் பிரச்சனைகள் வரலாம். அஸ்திவாரம் அதிகமாக போட வேண்டி வரலாம். மழைத் தண்ணீர் வராமல் இருக்க பாலம் போட வேண்டி வரலாம். இன்னும் பிரச்சனைகள் பல. ஆனால் அதன் தீர்வு உங்கள் கையில் இருந்தால் தேர்வில் வெற்றியே. இது போலத் தான் எந்தச் செயலிலும் இயற்கையாகவோ அல்லது செயற்கையாகவோ பிரச்சனைகள் வரத் தான் செய்யும். நாம் தான் அந்த பிரச்சனையை தீர்க்க வேண்டும். ஏன் அறிவியல் கூற்றுப்படியும் ஒவ்வொரு செயலுக்கும் எப்போதும் எதிர்ச் செயல் இருக்கத் தான் செய்யும் என்பது உண்மை. எந்த ஒரு செயல் செய்யும் முன்னே தடைகளை பார்க்காதீர்கள். அப்படி பார்த்தால் மனம் தடைப்படும். ஒரு செயலை செய்ய அதிக நேரம் சிந்தனை செய்தாலே அந்தச் செயல் செய்யாமல் போவதற்கே அதிக வாய்ப்பு என உளவியல் சொல்கிறது. ஒருமுறை சிந்தித்தால் சிந்தனை. பலமுறை சிந்தித்தாலே குழப்பம் தான் மிஞ்சும். நாளடைவில் இதைச் செய்யவே வேண்டாம் என மனது தனது சுவாத்தியமான பிரதேசத்திலே நின்று விடும். சோதனைகளை பார்த்து சாதனைகளை கைவிடும். மனதிலே எதுவும் பார்த்து கொள்ளலாம் கழுத்துக்கு கத்தியா வரப் போகுது என்ற மன நிலையும், தோல்விகளை கண்டு துவளாத மன உறுதியும், அந்தச் செயலை செய்தே தீர வேண்டும் என்ற விடாப்பிடியும், செயலின் மீது ஆர்வமும், இலக்கை நோக்கிய வெறியும், நேரங்களை சரியாக பயன்படுத்தும் திறமையும், எதையும் சமநிலையில் எடுத்துச் செல்லும் பக்குவமும், அதாவது கடலில் மூழ்காமல் மிதக்க கற்றுக்கொள்ள நீச்சல் திறன் உதவுவது போல, சரியான நேரத்தில் சரியாக தேவைப்படும் திறமைகளை கொண்டு இருத்தலும், அதிக முனைப்பும் ஊக்கமும் கொண்டு ஈடுபடுதலும் செயல் வெற்றி அடைவதற்கான தகுதிகள் ஆகும். உடலிலே ஆரோக்கியம் மட்டுமின்றி உள்ளத்திலும் ஆரோக்கியம் இருந்தால் செயலும் ஆரோக்யமாக முடியும். ஒரு மனிதருக்கு உள்ளம், உடல், அறிவு நன்றாக இருந்தால் அனைத்தும் நன்றே. இதுவே அவருக்கு தேவைப்படும் சொத்துக்கள் ஆகும். இழந்த அனைத்தையும் பல மடங்கு எதிர் பாராத வெற்றியையும் சேர்த்து இழுத்து கொண்டு வரும் சக்தியாகும். என்றைக்குமே செயல் பெருமை தருவது இல்லை. அதன் வெற்றியே பெருமை தரும். இதைத் தான் நம்மூரில் பெருமைக்கு எருமை மேய்க்காதே என்பார்கள். ஊக்கம் இல்லாதவனை விலங்கிற்கு கூட ஒப்பீடு செய்யாதீர்கள்! ஏன் என்றால் பறவைக் கூட இரை இருக்கும் இடம் தெரிந்தா அதி காலையில் பறக்க செல்கிறது? இரண்டு அறிவு பெற்ற எறும்பு கூட தன் உணவை தானே தேடிச் சென்று, வரும் தடைகளை வைத்தே, அதன் மேலே ஏறிச் சென்றே உணவை எடுத்து வருகிறது. அதிக அறிவு கொண்ட இனம் எறும்பு என்று சொல்கிறார்கள். சின்ன சின்னப் பிரச்சனைக்கெல்லாம் தீர்வு பண்ணி பழகி வந்தாலே பெரிய பெரிய பிரச்சனைகளுக்கு தீர்வு எடுக்க நிபுணத்துவம் பெற்று விடுவீர்கள். பிரச்னைகளை கண்டு பயந்து ஓடி விடாதீர்கள். பிரச்சனைகளின் அஸ்திவாரத்தை பார்த்தாலே பாதி தீர்வு கிடைத்து விடும். மீதி தீர்வும் பிரச்சனைக்கு உள்ளேயேத் தான் இருக்கிறது. பெரிய பெரியத் தலைவர்கள் எல்லாம் அடிக்கடிப் படிப்பது ஒன்று திருக்குறள், மற்றொன்று பிரச்சனைகளுக்கு தீர்வு காண்பது எப்படி? என்ற புத்தகம் தான். திருக்குறளில் ஊக்கம் பற்றிய அதிகாரங்களே உள்ளது. பிரச்சனை என்பது கல் மாதிரி. அதை கண்ணுக்கு அருகில் வைத்துப் பார்த்தால் கண்ணை மறைத்து விடும். அதுவே கண்ணுக்கு தூரத்தில் வைத்து பாருங்கள். நீங்கள் பிரச்சனையை மறைக்கலாம். ஜப்பானியர்கள் எல்லாம் பிரச்சனையை வரவேற்பார்களாம். எங்கே பிரச்சனை என்று தேடி தேடி அனுபவத்தை பெறுவார்களாம். பிரச்சனைகளை முதலில் பிரித்துப் பாருங்கள். தனித்தனி தீர்வு கிடைக்கும். பிறகு தீர்வுகளை மொத்தமாக்கி செயலில் பதியுங்கள். அப்புறம் பாருங்கள் நாளடைவில் வந்த, வரக்கூடிய, வந்து இருக்கிற எல்லா பிரச்சனைக்கும் தீர்வுகள் உங்கள் மனதில் இருக்கிறது. அப்புறம் என்ன நீங்கள் தான் தீர்வுகளின் அரசன் ஆகி விடுவீர்கள்.

ஊக்கம் என்பது ஒருவகை ஆற்றல்:

ஊக்கம் என்பது உள்ளம் சார்ந்தது ஒரு வகை என்றால் உடல் சார்ந்தது இன்னொரு வகை. ஊக்கம் என்பது இலக்குகளை அடைதலையும், தேவையைப் பூர்த்தி செய்ய தேவைப்படும் சக்தி தான் இந்த ஊக்கம். இந்த ஊக்கம் என்பது இன்றைய உலகத்தில் இளைஞர்களுக்குத் தான் அதிகம் தேவைப்படுகிறது. ஏனென்றால் இளைஞர்களே நல்ல விஷயம் என்றாலும், கெட்ட விஷயம் நடப்பதற்கும் காரணமானவர்கள். சுருங்கக்கூறின் இளைஞர்களே நாட்டின் முதுகெலும்புகள் ஆவார்கள். அவர்கள் உயிர்ப்புடனும், எதிர்கால லட்சியத்துடனும், நாட்டின் வளர்சிக்காகவும் துடிப்புடன் ஊக்கமாக செயல்படக் கூடியவர்கள். ஊக்கம் கொடுத்தால் ஊக்கு விற்பவன் கூட தேக்கு விற்பான். உண்மைத் தான். மனித நலன் என்பது என்னவென்றால் தனி மனிதனின் வாழ்க்கையைப் பற்றி சிந்திப்பது அல்ல. சமூகத்தைப் பற்றி சமுகத்தில் உள்ள அனைத்து மனிதனைப் பற்றி சிந்திப்பதே ஆகும். இளைஞர்களை அனுபவமிக்க பெரியோர்கள் வழி நடத்திச் செல்ல வேண்டும். அவர்களுக்கு ஊக்கம் கொடுத்தலே மிகச் சிறந்தப் பணியாகும். ஆசிரியர் பணியே அறப்பணி. அதற்கே உங்களை அற்பனியுங்கள். உண்மைத் தான் உலகின் நலனுக்கு இந்த ஆசிரியர்களும் மிகப் பங்காற்றுகிறார்கள். ஒரு செயலைச் செய்யும் போது மற்றவர்கள் கொடுக்கும் ஆதரவும் ஒரு வகை ஊக்கமே. ஏன் கைத்தட்டல் கூட ஒருவரை மிகப் பெரிய கலைஞரை உருவாக்கும். எந்த ஒரு செயலும் நினைத்த உடனே நடந்து விடுதல் கிடையாது. மாறாக அந்த செயல் முடிந்தே தீர வேண்டும் என்ற ஊக்கமான மன வலிமையே அந்த செயலை முடித்து வைக்கும். அந்த ஊக்கமே முடிக்கக் கூடிய வழிகளையும் காட்டிக் கொடுக்கும். மேலும் ஊக்கம் உடையவருடைய ஆக்கம் அதாவது செயல்கள் அழகு பெறுமாம். உள்ளம் உறுதியாக இருந்தால் உலகத்தில் எதை வேண்டும் என்றாலும் அடையலாம். எந்தத் தடைகள் வந்தாலும் உடைத்து எறியலாம். ஊக்கம் இருக்கும்போது உங்களுக்கு இடையில் செங்கற்களை வைத்துத் தடைக்கற்கள் போட்டாலும் அதை படிக்கற்களாக்கித் தாண்டி செல்வீர்கள். தேவைப்பட்டால் பாய்ந்தும், பறந்து கூடச் செல்வீர்கள். அப்பேற்பட்ட சக்தி, ஆற்றல் இந்த ஊக்கத்திற்கு உண்டு. உள்ளம் என்பது ஒரு மரத்தின் வேர் என்றால் ஊக்கம் என்பது அதன் கிளைகளே. இந்த ஊக்கம் நேர்மறையாகவும், எதிர்மறையாகவும் இருக்கும். நேர்மறை ஊக்கம் என்பது ஒருவரிடம் அவர் தெரிந்த கேள்விகளை கேட்டு, கைத்தட்டல் பாராட்டு வாங்கிக் கொடுப்பது ஒரு ரகம் என்றால், இன்னொரு ரகமானது திறமை பெற்றவனை மேலும் மேலும் உசுப்பேத்தி, ஊக்கப்படுத்தி இதே மாதிரி மேலும் மேலும் செய்து வர மிகப் பெரிய வளர்ச்சி அடைவீர்கள் என்று சொல்லி ஊக்கம் கொடுப்பது இன்னொரு ரகமாகும்.  எதுவாயினும் இது ஊக்கம் கொடுப்பவர்களால் தீர்மானம் செய்யப்படுகிறது. எதிர் மறை ஊக்கம் என்பது ஒருவருடைய கெட்ட செயல்களை, பழக்க வழக்கங்களை நிறுத்துவதற்கும், தவிர்க்க வைப்பதற்கும் சிறு சிறு தண்டனை கொடுத்து திருத்துவது எதிர் மறை ஊக்கம் ஆகும். எதுவாயினும் தண்டனை இல்லாமல் ஒருவரை திருத்துவது மிகச் சிறந்த வழிகள் ஆகும்.

வாழ்க்கை என்பது ஒரு முறைதான் வரும் நம் அனைவருக்கும். அந்த வாழ்க்கையை சாதாரணமாக்குவதும், சரித்திரமாக்குவதும் நம் கையில் தான் இருக்கிறது. மனிதர்கள் அனைவரும் ஒவ்வொரு விதமாக இருப்பார்கள். ஒரே குடும்பத்தில் பிறந்த நான்கு பேர்களும் நாங்கு விதமாக இருப்பார்கள். குணத்தால், நிறத்தால், மற்றும் பல காரணத்தினால் வேறுபட்டு இருப்பார்கள். இதில் ஒருவர் தன்னுடைய சொந்த முயற்சி, சொந்தத் திட்டம், சொந்த உழைப்பு அதாவது பிறர் உழைப்பு இல்லாமல் தானே உழைத்து கடைசியில் வெற்றியும் அடைவார்கள். இரண்டாம் நபர் ஒருவர் உதவியுடனும், ஏன் முதல் நபர் உதவியினால் கூட முன்னேற்றம் காண்பார்கள். மூன்றாவது நபர்க்கு ஒன்னும் உதவிலாம் செய்ய வேண்டாம். ஊக்கம் மட்டும் கொடுத்துக் கொண்டே இருந்தால் போதும். அவர் முன்னேற்றம் வேற லெவல்களில் இருக்கும். அந்த ஊக்கம் உன்னால் முடியும் என்ற சக்தியான வார்த்தைகளில் அவர் உடம்புக்குள் ஒரு புது வித இரத்தம் பாய்ந்து ஓடுவது போல அவருக்குத் தோன்றும். அந்த ஊக்கம் மட்டுமே அவருக்கு பெரிய தாக்கத்தை ஏற்படுத்தும். அதில் அவர் கரையேறி களத்தில் வெற்றி கொடி ஏற்றி விடுவார்கள். நான்காம் நபர் இயல்பாகவே அவரிடம் அனைத்து குணநலன்களும் பெற்று இருப்பார்கள். அவர்களுக்கு தோல்வியை விட வெற்றிகளின் எண்ணிக்கை தான் அதிகமாக பெற்றவர்கள் ஆவார்கள். எதுவாயினும் கடைசி வரை ஊக்கத்தை கை விடுதல் கூடாது. ஏனென்றால் கடைசி நொடிகளில் கூட நமக்கான வெற்றி காத்து கொண்டு இருக்கும். நான் மண்டி இடுவேன் என்று நினைத்தாயோ? இது எவ்வளவு பெரிய ஊக்கமான வார்த்தைகள் தெரியுமா? எதிரியும் அஞ்சி விடுவார்கள். அப்படி எதிரிகள் அஞ்சித் தான் நாம் விடுதலையும் பெற்றோம் என்பதும் மறக்க, மறைக்க முடியாத உண்மையாகும். என்னை வீழ்த்தவே முடியாது என்ற நம்பிக்கையை விட வீழ்ந்தாலும் எழுந்து விடுவேன் என்ற நம்பிக்கையே நாம் கொள்ளவேண்டியது. பத்து முறை வீழ்ந்தவன் என்று சொல்வதைக் காட்டிலும் பத்து முறை எழுந்தவன் என்று சொல்வதில் தான் தனித் திமிர் இருக்கிறது. நம்முடைய சிந்தனைகளைச் சாதிப்பதற்க்காகவே செலுத்துங்கள். சிந்தித்துச் செயல்படுங்கள் அது தான் நம்முடைய வெற்றியைச் சந்திக்கும் செயல்பாடுகள் ஆகும். நல்லதை விடாமல் துரத்துங்கள். கெட்டதை விட்டு விட, விடா முயற்சியுடன் முயற்சி செய்யுங்கள்.  நம்முடைய பாதங்கள் தான் மிகச் சிறியது. நம்முடைய பயணப் பாதைகள் மிகப் பெரியது. நீங்களே சுருக்கிக் கொள்ளாதீர்கள். வேகமாக செல்ல முடிய வில்லையா? கவலை கொள்ளாதீர்கள். நிற்காமல் செல்கிறோமே என்று சந்தோசம் கொள்ளுங்கள். ஊக்கம் என்னும் ரதத்தில்லே பயணம் செய்பவர்களுக்கு வெற்றி கொடி தூரத்தில் இல்லை. மிக அருகிலே இருக்கிறது. இலக்கை முடிவெடுப்பது என்பது பெரிய விசயமே இல்லை. ஆனால் எடுத்த முடிவுகளை முடிப்பது தான் பெரிய விஷயம். அனைவரும் முடிவு எடுப்பதில் வல்லவர்களாக இருப்போம். வாழ்த்துக்கள். வணக்கம்.

மற்றும் ஒரு ஆரோக்யமான சிந்தனையுடன் நல்லதொரு தகவலை பதிவிடுவோம்.

- தமிழர் நலம்